سەرکردەیەکی حەماس لە غەززە کوژرا

ئاڤا نیوز

سوپای ئیسرائیل ڕایگەیاند کە "ئەندامێکی باڵا"ی بزووتنەوەی حەماسی فەڵەستینی لە شاری غەززە کردووەتە ئامانج.

ڕاگەیێنراوی فەرمی: سوپای ئیسرائیل لە ڕاگەیێنراوێکی هاوبەشدا لەگەڵ دەزگای "شاباک" ڕایگەیاند: ماوەیەکی کەم لەمەوبەر سوپای ئیسرائیل و دەزگای ئاسایشی ناوخۆ کەسێکی دیاری بزووتنەوەی حەماسیان لە ناوچەی شاری غەززە کردە ئامانج، لە چەند مانگی ڕابردوودا کاری کردووە بۆ دووبارە بنیادنانەوەی تواناکانی حەماس و بەرهەمهێنانی چەک.

زانیاریی زیاتر: ماڵپەری "وای نێت"ی ئیسرائیلی بڵاویکردەوە، ئەو کەسەی لە ئۆپەراسیۆنەکەدا کراوەتە ئامانج، ڕائید سەعدە کە یەکێکە لە سەرکردەکانی لیواکانی قەسام، باڵی سەربازی بزووتنەوەی حەماس.

لە لایەکی دیکەوە: ناوەندی ڕاگەیاندنی فەڵەستین ڕایگەیاند، لە بۆردومانێکی ئیسرائیلی کە ئۆتۆمبێلێکی مەدەنی لە نزیک نابولس لە ڕۆژئاوای شاری غەززە کردە ئامانج، چوار کەس کوژران.