لە 10 پارێزگای عێراق کرایە پشووی فەرمی

ئاڤا نیوز

ئیدارەی 10 پارێزگای ناوەڕاست و باشووری عێراق سبەی چوارشەممەیان کردە پشووی فەرمی، تاوەکو ئاسانکاری بۆ ئەو ڕێوڕەسمی ئاینی شەعبانیە بکرێت.

ڕاگەیێنراوی فەرمی: بەگوێرەی ڕاگەیێنراوی فەرمیی ئیدارەی پارێزگاکانی بەغدا، کەربەلا، نەجەف، بابل، دیالە، زیقاڕ، بەسڕە، میسان، موسەننا و واست. ئەم 10 پارێزگایە بڕیاریان دا ڕۆژی چوارشەممە، 4ـی شوباتی 2026، لە سەرجەم فەرمانگەکان ببێتە پشووی فەرمی.

زانیاریی زیاتر: ئەم پشووە بە مەبەستی ڕێکخستنی هاتووچۆ و ئامادەکارییە بۆ پێشوازیکردن لەو ژمارە زۆرەی سەردانیکەرانەی کە بەو بۆنەیەوە ڕوو لە شارە پیرۆزەکان و کەربەلا دەکەن.

لەلایەکی دیکەوە: بڕیارەکە فەرمانگە ئەمنی و خزمەتگوزارییەکان ناگرێتەوە و ئەوان بەردەوام دەبن لە کارەکانیان بۆ پاراستنی ئاسایش و دابینکردنی پێداویستیی تەندروستی بۆ سەرجەم هاووڵاتییان و زیارەتکارەکان.

ئەمەش بزانە: ساڵانە لەم یادەدا پلانێکی ئەمنیی تۆکمە لە چەندین پارێزگا جێبەجێ دەکرێت، کە تێیدا هەزاران کەس بەشداری لە یادی لەدایکبوونی ئیمامی دوازدەیەم لای شیعەکان دەکەن.