دوو تۆن برنجی ئاکرێ بەخشرا بە هەڵمەتی هاوکاریی ئاڤا

ئاڤا نیوز

جووتیارێکی سنووری ئاکرێ بەشداری لە هەڵمەتی ئاڤا بۆ کۆکردنەوەی هاوکاری بۆ لێقەوماوانی سنووری چەمچەماڵ کردووە، دەڵێت 'داوا دەکەم هەموو پەرلەمانتاران و خەڵکی کوردستان بەشداری ئەم هەڵمەتە بکەن'.

وێنە گەورەکە: هەڵمەتی هاوکاریی ئاڤا بۆ لێقەوماوانی چەمچەماڵ، تەکیە و شۆڕش، لە شارەکانی هەولێر، دهۆک، ئاکرێ، زاخۆ دەستیپێکردووە و بڕیارە سێ ڕۆژ بەردەوام بێت، هاونیشتمانیانیش بە گڕوتینەوە بەشداری هەڵمەتەکە دەکەن.

لێدوانی فەرمی: جووتیارێکی سنووری ئاکرێ بەشداریی هەڵمەتەکەی ئاڤای بە دوو تۆن برنجی ئاکرێ لە جۆری شەشمەیی کردووە، وتی: داوا لە خەڵکی کوردستان دەکەم بەشداری لە هەڵمەتەکە بکەن.

ئەو جووتیارەی ئاکرێ لە ڕێگەی ئاڤاوە داوایەکی ئاراستەی پەرلەمانتارانی کوردستان و عێراق کرد و وتی: داوا لە پەرلەمانتارانی کوردستان و عێراق دەکەم، کە هەر یەکێکیان بە بڕی 10 ملیۆن دینار هاوکاری خەڵکی چەمچەماڵ و تەکیە بکەن، چونکە ئەو خەڵکە دەنگیان پێداون و بە دەنگی ئەوان چوونەتە پەرلەمان.