ئاوەدانکردنەوە و گەشەپێدان: سەردانی شاندی چوارچێوە بۆ هەولێر هەنگاوێکی بەرپرسیارانەیە

ئاڤا نیوز

وتەبێژی فەرمی هاوپەیمانی ئاوەدانکردنەوە و گەشەپێدان، سەردانی شاندی چوارچێوەی هەماهەنگی بۆ هەولێر بە سەرۆکایەتی محەممەد شیاع سوودانی، سەرۆکوەزیرانی عێراق بە هەنگاوێکی بەرپرسیارانە لە قەڵەم دەدات.

چیرۆکی سەرەکی: بڕیارە سبەی دووشەممە 02-02-2026، شاندی باڵای چوارچێوەی هەماهەنگی سەردانی هەولێر بکات و پرسی پۆستی سەرۆککۆماری عێراق لەگەڵ پارتی و یەکێتی تاوتوێ بکەن.

لێدوانی فەرمی: د. فیراس موسەلماوی، وتەبێژی فەرمی هاوپەیمانی ئاوەدانکردنەوە و گەشەپێدان ڕایگەیاند: "سەردانی شاندی چوارچێوەی هەماهەنگی بۆ هەولێر، بە سەرۆکایەتی سەرۆکوەزیران محەممەد شیاع سوودانی، هەنگاوێکی بەرپرسیارانەیە بۆ چەسپاندنی لۆژیکی گفتوگۆی نیشتمانی و پشتیوانیکردنی لێکگەیشتن لە نێوان هەردوو هێزی پارتی دیموکراتی کوردستان و یەکێتی نیشتمانی کوردستان بۆ دیاریکردنی کاندیدی سەرۆککۆماری عێراق.

زانیاریی زیاتر: شاندە باڵاکەی چوارچێوەی هەماهەنگی پێکدێن لە؛ محەممەد شیاع سوودانی، سەرۆکوەزیرانی عێراق. هادی عامری، سەرۆکی ڕێکخراوی بەدر و موحسین مەندەلاوی، سەرۆکی سەرۆکی هاوپەیمانی ئەساس.