ئۆکرانیا دەستبەرداری خواستی ئەندامێتی لە ناتۆ دەبێت

ئاڤا نیوز

لەدرێژەی دانوستانە بەردەوامەکانی نێوان ئەمریکا و ئۆکرانیا، چەند گۆڕانکارییەکی بێوێنە لەلایەن لایەنی ئۆکرانییەوە ڕوویان داوە و لەنێوانیاندا سەرۆکی ئۆکرانیا ئاشکرای دەکات وڵاتەکەی دەستبەرداری خواستەکانی ئەندامێتی لە ناتۆ دەبێت.

چیرۆکی سەرەکی: ڕۆژی یەکشەممە، شاندی ئەمریکا و ئۆکرانیا لە بەرلین کۆبوونەوە، ستیڤ ویتکۆف، نێردەی تایبەتی دۆناڵد ترەمپ، سەرۆکی ئەمریکا لەگەڵ ڤۆلۆدێمیر زێلینسکی، سەرۆکی ئۆکرانیا کۆبووەیەوە و وتی، "پێشکەوتنی بەرچاو" لە دانوستانەکاندا هەبوون.

لێدوانی فەرمی: ڤۆلۆدیمیر زێلینسکی، سەرۆکی ئۆکرانیا پشتڕاستی کردەوە کە وڵاتەکەی وازی لە خواستی خۆی هێناوە بۆ پەیوەندیکردن بە ناتۆ لە بەرامبەر گەرەنتی ئاسایشی ڕۆژئاوا وەک سازانێک بۆ کۆتاییهێنان بە شەڕ لەگەڵ ڕووسیا، دەشڵێت ئەم گەرەنتییە ئەمنییانە دەرفەتێکە بۆ ڕێگریکردن لە شەپۆلێکی دیکەی ''دەستدرێژی ڕووسیا'' وە ئەمە لە ئێستاوە سازشێکە لەلایەن ئێمەوە.