ئاڤای خەڵک؛ دانیشتووانی کەرتی 48ـی بەحرکە لە هەولێر داوای خزمەتگوزاری دەکەن

ئاڤا نیوز

دانیشتووانی گەڕەکی بەحرکەی نوێ بەدەست نەبوونی ئاوەڕۆ و قیڕنەکردنی کۆڵانەکانیان دەناڵێنن و داواکارییەکانیان گەیاندووەتە حکومەت، بەڕێوەبەری شارەوانیی ناوچەکەش ڕایدەگەیەنێت، دەرخستەی پڕۆژەکانیان بەرزکردووەتەوە، بەڵام بەهۆی نەبوونی پارەوە جێبەجێ نەکراون.

چیرۆکی سەرەکی: لە قەزای بەحرکە، دانیشتووانی گەڕەکی بەحرکەی نوێ کە بە کەرتی 48ـی بەحرکە ناسراوە، کێشەی کەمی خزمەتگوزارییان هەیە، بەتایبەت نەبوونی تۆڕی ئاوەڕۆ و قیڕنەکردنی کۆڵانەکان.

لێدوانی فەرمی: مەمووند عەبدولوەهاب، بەڕێوەبەری شارەوانی بەحرکە بە ئاڤای وت:  تەنیا 30%ـی کۆڵانەکانی کەرتی 48ـی بەحرکە قیڕکراون، دوو ساڵە دەرخستەمان بۆ 70%ـی کۆڵانەکانی تر کردووە، دەرخستەکە بۆ پارێزگا بەرزکراوەتەوە، بەڵام لەوکاتەوە دەڵێن پارە نییە. ئێمەش وەک خەڵک چاوەڕوانین، هەرکات بودجەی بۆ تەرخان کرا یەکسەر دەست بە جێبەجێکردنی دەکەین.