سەرۆک و سەرکردەکانی جیهان بەشداری مەراسیمی ناشتنی پاپا دەکەن

ئاڤا نیوز

 

دوای مردنی پاپا فرانسیس، پاپای ڤاتیکان لە ئێستادا ئامادەکاریی دەکرێت بۆ مەراسیمی بەخاکسپاردنی پاپا لە ڤاتیکان و بڕیارە سەرۆک و سەرکردەکانی جیهان بەشداریی مەراسیمەکە بن.

وێنە گەورەکە: ڕۆژی دووشەممە، 21-4-2025، پاپا فرانسیس، پاپای ڤاتیکان و ڕێبەری کاسۆلیکەکانی جیهان بەهۆی تووشبوونی بە جەڵتەی مێشک کۆچی دوایی کرد، بڕیارە ڕۆژی چوارشەممە بە خاک بسپێردڕێت و سەرکردەکانی جیهانیش بەشداری مەراسیمەکە دەبن.

بڵاوکراوەی فەرمی: ڕۆژی سێ شەممە، هەریەکە لە دۆناڵد ترەمپ، سەرۆکی ئەمریکا،  ئیمانوێل ماکرۆن، سەرۆکی فەرەنسا،  ڤۆلۆدیمێر زێلێنسکی، سەرۆکی ئۆکراینا، کیەر ستارمەر، سەرۆکوەزیرانی بەریتانیا، ئۆلاف شۆڵز، ڕاوێژکاری ئەڵمانیا بە فەرمی ڕایانگەیاندووە، بەشداری لە مەراسیمی ماڵئاوایی و بەخاکسپاردنی پاپا فرانسیس دەکەن.

لەلایەکی دیکەوە: خالد جەمال ئەلبێراسیا، بەڕێوەبەری گشتیی کاروباری مەسیحییەکان لە وەزارەتی ئەوقاف بە ئاڤای گوت، چاوەڕێی باڵیۆزخانەی ڤاتیکان دەکەین لە بەغدا کەنیسەی کاسۆلیک لە هەرێمی کوردستان ئاگادار بکاتەوە، سەبارەت بە بەشداریکردنی شاندی هەرێمی کوردستان.

ئەمەش بزانە: ڤاتیکان ڕایگەیاند، ڕۆژی چوارشەممە مەراسیمی ماڵئاویی کردن لە پاپا فرانسیس دەستپێدەکات و ڕۆژی شەممە بە ئامادەبوونی کەسایەتی سیاسی و ئاینیی جیهانیی بەخاک دەستپێردرێت.
 بە فەرمی هیچ زانیارییەکی لە بارەی ڕۆژی ناشتنی پاپا فرانسیس، پاپای ڤاتیکان ڕانەگەیاندووە.

زانیاریی زیاتر: بەپێی وەسیەتنامەکەی، پاپا فرانسیس لە کەنیسەی سانتا ماریا ماجیۆری، كە (4 کیلۆمەتر لە ڤاتیکانەوە دوورە) دەنێژرێت، کە پێچەوانەی نەریتی ناشتنی پاپاکانە لە کەنیسەی سانت پیتەر.

- پێش داخستنی تابووتەکە، ڕووی بە پارچە ئاوریشمێکی سپی دادەپۆشرێت، لەتەنیشتیەوە کیسەیەک دراوی کانزایی، کە لە سەردەمی پاپایەتییەکەیدا دروست کراون و تۆمارێک، کە گرنگترین وێستگەکانی ژیانی تێدا نووسراوە، دادەنرێت.