پاسێک لە سوید ژمارەیەک کەس دەکوژێت

ئاڤا نیوز

بەهۆی خێرایی پاسێکەوە لە ستۆکهۆڵمی پایتەختی سوید ژمارەیەک کەس بوونە قوربانی، پۆلیسی شارەکەش دەڵێت، هێشتا هۆکاری ڕووداوەکە نەزانراوە.

ڕاگەیێنراوی فەرمی: پۆلیسی ستۆکهۆڵم ڕایگەیاند، ئێوارەی ئەمڕۆ هەینی پاسێک لە ستۆکهۆڵمی پایتەختی سوید بە خێراییەکی زۆر خۆی دەکات بە ناو شوێنێکی وەستانی خەڵک.

زانیاریی زیاتر: لە ئەنجامی ڕووداوەکەدا ژمارەیەک کەس گیانیان لەدەستداوە و ژمارەیەکی دیکەش برینداربوون، بەڵام پۆلیس دەڵێت، ئێستا هیچ لێدوانێک لەسەر ژمارە و ڕەگەز و تەمەنی قوربانییەکان نادەن.

ژمارەکان وا دەڵێن: لە ئەنجامی ڕووداوەکەدا سێ کەس گیانیان لەدەستداوە و سێ کەسی دیکەش برینداربوون.

لێدوانی فەرمی: نادیە نۆرتۆن، وتەبێژی پۆلیسی شاری ستۆکهۆڵم بە ئاژانسی فرانس پرێسی ڕاگەیاند، تا ئێستا هۆکاری ڕووداوەکە نەزانراوە و لێکۆڵینەوەکان دەبێت دیاریبکات کە چی ڕوویداوە، شۆفێری پاسەکە دەستگیرکراوە و دۆسیەی کوشتنی بە ئەنقەستی بۆ کراوەتەوە.