لە کوردستان هەندێک جۆری درەخت هەن نرخیان هێندەی خانووێک دەبێت

ئاڤا نیوز

 

لە کوردستان هەندێک جۆری درەخت هەن نرخیان هێندەی خانووێک دەبێت و جۆرێک داری زەیتوون هەیە نرخی هەشت دەفتەر دۆلارە، نرخی داری زەیتوونی ئیسپانیش چوار دەفتەر دۆلارە.

چیرۆکی سەرەکی: ئاڤا میدیا لە نەمامگەکان بەدواداچوونی بۆ نرخی نەمام و درەخت و گوڵە جۆراوجۆرەکان کردووە، بەشێکیان نرخیان هێندە زۆرە ڕەنگە زۆربەی خەڵک یەکەمجاریان بێت بزانن داری لەمشێوەیە لە کوردستان هەیە.

زانیاریی بەدەستهاتوو: بەگشتی نرخی زەیتوون لە هەموو جۆرە درەختەکان گرانترە، هەرچەند تەمەنی زیاتر بێت و گەورەتر بێت نرخەکەشی زیاتر دەبێت.

لە یەکێک لە نەمامگەکانی هەولێر ئاڤا ڤیدیۆی دارزەیتوونێکی ئیسپانی تۆمارکردووە نرخەکەی بایی 45 هەزار دۆلار (چوار دەفتەر و نیو) بووە، دارەکە 13 مەتر درێژە و تەمەنی 300 بۆ 400 ساڵ دەبێت، بە بەرهەڵگرێکی تایبەت لە ئیسپانیاوە هێنراوەتە هەولێر.