ترەمپ: لەبابەتی ناردنی هاوکاری بۆ کەرتی غەززە فشارم لە نەتەنیاهۆ کردووە

ئاڤا نیوز

ترەمپ دەڵێت، فشارم لە سەرۆکوەزیرانی ئیسرائیل کردووە لەبارەی ڕێگەدان بە چوونە ژوورەوەی هاوکاری مرۆییەکان بۆ ناو کەرتی غەززە.

وێنە گەورەکە: لەدوای پەیوەندییە تەلەفۆنییەکەی هەفتەی ڕابردوو لەنێوان دۆناڵد ترەمپ، سەرۆکی ئەمریکا لەگەڵ بنیامین نەتانیاهۆ، سەرۆکوەزیرانی ئیسرائیل، تیادا چەند پرسی گرنگی لەنێوان هەردوولا تاوتوێکران لەوانەش پرسی شەڕی غەززە بووە.

چی ڕوودەدات: لە 18-3-2025 لەگەڵ دەستپێکردنەوەی هێرشەکانی ئیسرائیل بۆ سەر کەرتی غەززە، ڕێگری لە چوونە ژوورەوەی هەموو هاوکارییەکی مرۆیی پێداویستی سەرەتایی بۆ ناو کەرتەکە کراوە، بەهۆیەوەش دۆخی مرۆیی ناوچەکە بەرەو خراپی چووە، لەوبارەیەوە ترەمپ دەڵێت لەگەڵ نەتانیاهۆ ئەم پرسەمان تاوتوێی کردووە، کە پێویستە ڕێگە بە چوونەژوورەوەی هاوکارییەکان بۆ ناو غەززە بدات.

لێدوانی فەرمی: دۆناڵد ترەمپ، سەرۆکی ئەمریکا لەلایەن چەند ڕۆژنامەنووسێکەوە لەبارەی غەززەوە پرسیاری لێدەکرێت و ڕایگەیاند، ئەو کەسانە ئازار دەچێژن، دەبێت باش بین لەگەڵ غەززە، ئێمە ئاگاداری ئەوان دەبین خۆراک و دەرمان دەگەیەنێنە غەززە.

لەلایەکی دیکەوە: لە وەڵامی پرسیارێکدا کە نەتانیاهۆ چۆن وەڵامی ئەو داواکارییەی دایەوە، ترەمپ وتی، باشە، هەستێکی باشی هەبوو لەو بارەی هەبووە.

زانیاریی بەدەستهاتوو: بەرنامەی خۆراکی جیهانی نەتەوە یەکگرتووەکان ڕایگەیاند، کە کۆگای خۆراکیان لە غەززە تەواو بووە.