تەرمی پاپا بە بەشداری 170 سەرۆک و 400 هەزار کەس بەخاک سپێردرا

ئاڤا نیوز

بە بەشداری سەدان هەزار کەس و 170 سەرۆک و سەرکردەی جیهان، تەرمی پاپا فرانسیس لە ڕۆمای پایتەختی ئیتاڵیا بەخاک سپێردرا.

وێنە گەورەکە: ئەمڕۆ شەممە، بە بەشداری سەدان سەرۆک و سەرکردەی جیهان و 400 هەزار کەس، تەرمی پاپا فرانسیس، پاپای ڤاتیکان و ڕێبەری کاسۆلیکەکانی جیهان بەخاک سپێردرا.

ئەوەی پێویستە بیزانیت: پاپا دووشەممەی ڕابردوو لە تەمەنی 88 ساڵیدا بەهۆی جەڵتەی مێشک و سستی دەمارەکانی دڵییەوە کۆچی دوایی کردبوو.

ئەمەش بزانە: لەسەر وەسیەتی خۆیشی لە کەنیسەی (سەینت ماری مەیجەر) لە ڕۆمای پایتەختی ئیتاڵیا بەخاک سپێردرا.

كێ به‌شداره‌: نزیکەی 170 سەرکردەی جیهان ئامادەی مەراسیمەکە بوون،  دیارترینیان بریتی بوون لە دۆناڵد ترەمپ، سەرۆکی ئەمریکا و ئیمانوێل ماکرۆن، سەرۆکی فەرەنسا و ڤۆلۆدیمێر زیلینسکی، سەرۆکی ئۆکراینا و کیەر ستارمەر، سەرۆکوەزیرانی بەریتانیا و ئۆلاف شۆلز، ڕاوێژکاری ئەڵمانیا و سەرۆکی  بەرازیل، سەرۆکی ئەرجەنتین، پاشا و شاژنی ئیسپانیا و بەلجیکا، شازادە ولیامی بەریتانیا.

له‌هه‌مان كاتدا: لە هەرێمی کوردستانەوە نێچیرڤان بازرانی، سەرۆکی هەرێمی کوردستان وەک نوێنەری کوردستان و عێراق لە مەراسیمەکەدا بەشدار بوو.