فیچەر؛ بە تەمەنترین ژنی کورد قسە بۆ ئاڤا دەکات

ئاڤا نیوز

بە تەمەنترین ژنە کورد لە فیچەرێکدا قسە بۆ ئاڤا دەکات و هۆکاری تەمەن درێژییەکەی ئاشکرا دەکات.

وێنە گەورەکە: حاجی ڕابێ، ژنە کوردێکی شاری سنەی ڕۆژهەڵاتی کوردستانە کە تەمەنی 120 ساڵە و ڕەنگە بە تەمەنترین ئافرەتی کورد بێ. ئەو دەڵێ، هۆکاری تەمەن درێژییەکەم ئەوەیە کە بەردەوام گیای بەهاری و خواردنی سرووشتی و کوردەواریم خواردووە.

لێدوانی فەرمی: حاجی ڕابێ لە فیچەرێکی ئاڤا قسەی کردووە. دەڵێ، "بەردەوام گیای بەهاری و خواردنی سرووشتی و کوردەواریم خواردووە، هەروەها لەجیاتی حەب و دەرمان شتی گیاییم خواردووە، هەمیشە بە ئاوی سارد خۆم شتووە، ئەمە هۆکاری تەمەن درێژییەکەمە".

ئەوەی پێویستە بیزانیت: حاجی ڕابێ جگەرەیشی کێشاوە و دەڵێ، "ڕۆژێ پاکەتێک جگەرە دەکێشم". تەمەنەکەی وای لێکردووە، هەندێک شتی لەبیر نەماوە، بۆ نموونە نازانێ زەماوەندەکەی کەی بووە. هەروەها کاتی خۆی کە تەسکەرەیان بۆ دەرهێناوە، هەر بە گاڵتە وتوویەتی، "بۆ چیمە خۆ هەر ئەمرم".

ئەمەش بزانە: حاجی ڕابێ تەمەنی 120 ساڵە و لە ئاوایی تفڵێ  لە شاری سنەی ڕۆژهەڵاتی کوردستان دەژیت.