ئاڤا میدیا بەدواداچوون بۆ کێشەکانی کورد لە قەزای بەدرە دەکات

ئاڤا نیوز

ئاڤا میدیا لە نوێترین کاریدا بەدواداچوون بۆ قەزای بەدرە و کێشەکانی کورد لەو ناوچەیەدا دەکات و باسی پرۆسەی تەعریبکردنی قەزاکە دەکات.

وێنە گەورەکە: هاوکارمان ڕۆکان مەحموود کە پەیامنێری ئاڤایە لە کەرکووک، بەرنامەیەکی جوانی ئامادەکردووە، ورد و درشتی ئێستا و جارانی قەزای بەدرە دەخاتەڕوو کە چۆن ساڵی 1980 هەموو دانیشتووانەکەی کورد بوون، بەڵام ئێستا ژمارەی کورد کەمی کردووە، ئەوەیشی لەوێیە بە زمانی کوردی قسە ناکەن.

ئەوەی پێویستە بیزانیت: بەرنامەکە ناوی تەعریبی بەدرەیە و باس لە پرۆسەی تەعریبکردنی قەزای بەدرە دەکات، ڕۆژی شەممە کاتژمێر شەش بڵاودەبێتەوە. 

ئەمەش بزانە: بەرنامەکە ئەوە پیشان دەدات کە کێشەی کورد لەو ناوچانە چین و چۆن تەعریب خەریکە ئەم قەزایە لە کوردییەوە دەگۆڕێت بۆ عەرەبنشین.

زانیاریی زیاتر: بەدرە ناوچەیەکی کوردستانی تەعریبکراوە و کەوتووەتە سنووری پارێزگای واست و دوا سنووری خاکی کوردستانە.