دۆناڵد ترەمپ گەیشتە سعودییە

ئاڤا نیوز

 

دۆناڵد ترەمپ، سەرۆکی ئەمریکا بە یاوەری شاندێکی باڵای حکومەتی ئەمریکا و کۆشکی سپی گەیشتە سعودییە.

چی ڕوودەدات: ڕۆژی سێشەممە 13-5-2025، دۆناڵد ترەمپ، سەرۆکی ئەمریکا لەدووەم خولی سەرۆکایەتییدا بۆ یەکەم سەردانی دەرەوەی وڵاتی هاوشێوەی خولی یەکەمی سعودییەی هەڵبژارد و بە یاوەری شاندێکی باڵای وڵاتەکەی گەیشتە ئەو وڵاتە. هاوکات لەلایەن محەممەد بن سەلمان، شازادەی جێنشینی سعودییە پێشوازی لێکرا. 

 

زانیاریی بەدەستهاتوو: ئامانج لە سەردانەکەی دۆناڵد ترەمپ، سەرۆکی ئەمریکا  بۆ  وڵاتانی ڕۆژهەڵاتی ناوەڕاست نزیکبوونەوە و وەبەرهێنانی زیاترە لە وڵاتانی کەنداو و پتەوکردنی پەیوەندییەکانە.

ئەوەی پێویستە بیزانیت: دۆناڵد ترەمپ، لە خولی یەکەمی سەرۆکایەتیشیدا لە ساڵی 2017 لە یەکەم سەردانی بۆ دەرەوەی وڵاتی هەر سەردانی سعودییەی کرد، چونکە هەردوو وڵات پەیوەندی دیپلۆماسی و بازرگانی گرنگیان لە نێواندا هەیە.

پێدراوە ڕاستەکان: بڕیارە سەرۆکی ئەمریکا، ڕۆژی چوارشەممە بەشداری لە لووتکەی کەنداو لە سعودییە بکات، دواتر سەردانی قەتەر بکات و ڕۆژی پێنجشەممە سەردانەکەی لە ئیمارات کۆتایی پێبهێنێت و پێشبینی دەکرێت سەردانی تورکیاش بکات.