ئەمریکا بیر لە هە‌ڵگرتنی سزاکانی سەر سووریا دەکاتەوە

ئاڤا نیوز

 

سەرۆکی ئەمریکا لە نوێترین لێدوانیدا سەبارەت بە سووریا دەڵێت، پێویستە بڕیار لەسەر پرسی هەڵگرتنی سزاکانی سووریا بدەین.

 

لێدوانی فەرمی: دۆناڵد ترەمپ, سەرۆکی ئەمریکا ڕایگەیاند، "دەبێت بڕیار لەسەر سزاکان بدەین، دەمانەوێت سەرەتایەكی نوێ بە سووریا بدەین، هاوکات بۆ ئەم مەبەستە، ڕەجەب تەیب ئەردۆغان، سەرۆککۆماری تورکیا داوای کردووە سزاکانی سەر سووریا هەڵبگرین و ئێمەش ئەوە لەبەرچاو دەگرین بۆ ئەوەی یارمەتی دەستپێکی نوێی سووریا بدەین''.

 

ئەوەی لەبارەیەوە دەگوترێت: ڕۆیتەرز ئاشكرایکرد، ''ئەحمەد شەرع، سەرۆککۆماری سووریا، هەوڵ دەدات لە گەشتەکەی ترەمپ بۆ ڕۆژهەڵاتی ناوەڕاست و پێشنیازی دروستکردنی تاوەری ترەمپ لە دیمەشق و ئاسایکردنەوەی پەیوەندییەکان لەگەڵ ئیسرائیل و هەناردەکردنی نەوت و گازی سووریا پێشکەش بکات''.

 

زانیاریی بەدەستهاتوو: ڕۆژنامەی تایمزی بەریتانی بڵاویکردووەتەوە، ئەگەری هەیە ترەمپ و شەرع، لە سعودییە یەکتر ببینن و کۆببنەوە، تیایدا شەرع داوای هەڵگرتنی سزاکانی سەر وڵاتەکەی دەکات.
 
زانیاریی زیاتر: وتەبێژی کۆشکی سپی لەبارەی سەردانەکەی ترەمپ بۆ ڕۆژهەڵاتی ناوەڕاست دەڵێت، ترەمپ چاوی لە گەڕانەوە مێژووییەکەیەتی بۆ ڕۆژهەڵاتی ناوەڕاست.

 

بۆچی گرنگە: لە سەردانەکەی ئەسعەد شەیبانی، وەزیری دەرەوەی وڵاتەکە بۆ واشنتن تیایدا کۆبوونەوەکەی بە بەرهەمدار و ئەرێنی وەسف کرد.