ویتکۆف: ترەمپ سەرۆک بووایە شەڕی ئۆکراینا ڕووینەدەدا

ئاڤا نیوز

 

نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست ڕایگەیاند، شەڕی ئۆکرانیا ڕووینەدەدا ئەگەر ترەمپ لە ساڵی 2022 سەرۆک بوایە.

 

وێنە گەورەکە: لە سەرەتایی ساڵی 2022ـەوە ڕووسیا لەشکرکێشی بۆ سەر ئۆکراینا دەستپێکردووە و زیاتر لە سێ ساڵە جەنگی ئەو دوو وڵاتە بەردەوامە و وڵاتان چەندین جار هەوڵیان داوە ئاگربەستێکی گشتگیر ئەنجام بدەن، نوێنەری ترەمپیش لەوبارەیەوە دەڵیت، ئەگەر ترەمپ ئەو کات سەرۆک بوایە جەنگ ڕووینەدەدا.

لێدوانی فەرمی: ستیف ویتکۆف، نێردەی ترەمپ بۆ ڕۆژهەڵاتی ناوەراست ڕایگەیاند: هیوادارم لووتکەی ئاشتیی نێوان زێلێنسکی و پووتین کە بەشێوەی دانوستانی ڕاستەوخۆ دەبێت بە باشی بەڕێوەبچێت و کۆتایی بە شەڕ و خوێن ڕشتن بهێنن.

 

لەلایەکی دیکەوە: دۆناڵد ترەمپ، سەرۆکی ئەمریکا بەڕێوەچوونی دانوستانی نێوان ئۆکراینا و ڕووسیا بە گرنگ ناودەبات و ڕایگەیاند: ڕەجەب تەیب ئەردۆغان، سەرۆککۆماری تورکیا میوانداری پرۆسەیەکی گرنگ دەکات و پێم وایە دەرئەنجامی باشی دەبێت، وابیردەکەمەوە ڕۆژی پێنجشەممە سەردانی تورکیا بکەم.