ئێران مەرجەکانی بۆ ڕێککەوتن لەگەڵ ئەمریکا ئاشکرا دەکات

ئاڤا نیوز

کۆماری ئیسلامیی ئێران لە بەرامبەر ڕێککەوتنی ئەتۆمی لەگەڵ ئەمریکا مەرجی خۆی هەیە و دەڵێت لە ئەگەری قەبووڵکردنی مەرجەکان دەست لە بەرهەمهێنانی چەکی ئەتۆمی هەڵدەگرن.

وێنە گەورەکە: لە سەروبەندی بەڕێوەچوونی دانوستانە ناڕاستەوخۆکانی ئێران و ئەمریکا سەبارەت بە بەرنامە ئەتۆمییەکەی تاران، ڕاوێژکارێکی عەلی خامنەیی، ڕێبەری باڵای کۆماری ئیسلامیی ئێران دەڵێت ئامادەیین بۆ هەر ڕێککەوتنێک لەگەڵ ئەمریکا بەڵام مەرجمان هەیە.

لێدوانی فەرمی: عەلی شەمخانی، ڕاوێژکاری عەلی خامنەیی ڕایگەیاند: "ئێران بەڵێن دەدات هەرگیز چەکی ئەتۆمی بەرهەم نەهێنێت و کۆگاکانی یۆرانیۆمی پیتێنراو نەهێڵێت، یۆرانیۆم تەنیا بە ئاستێکی پێویست بۆ بەکارهێنانی مەدەنی بپیتێنێت و ڕێگە بە پشکنەرە نێودەوڵەتییەکان بدات سەرپەرشتیی پرۆسەکە بکەن. هەموو ئەمانە لە بەرامبەر هەڵگرتنی دەستبەجێی هەموو گەمارۆ ئابوورییەکانی سەپێنراو بەسەر ئێراندا.

زانیاریی زیاتر: ڕۆژی چوارشەممە، دۆناڵد ترەمپ، سەرۆکی ئەمریکا داوای سەپاندنی سزای تووندی بە سەر ئێراندا کرد، هاوکات هیوای خۆی بۆ ڕێککەوتنی ئەتۆمی دووپات کردەوە.