فایلی خەڵک؛ لە پارکەکانی شاری دهۆک کەمی یاری منداڵان هەیە

ئاڤا نیوز

لە پارکەکانی شاری دهۆک کەمی یاری منداڵان هەیە و دایکان و باوکان داوای چاککردنەوە و زیادکردنی یاری منداڵان دەکەن لەنێو پارکەکاندا. بەڕێوەبەری ئەندازەی پارکەکانی دهۆکیش  دەڵێت، "بەم نزیکانە ئەو یارییانە چاک دەکەینەوە و دوو پارکی تازەش دەکەینەوە".

وێنە گەورەکە: لەشاری دهۆک لەکۆی 10 پارکی گشتی، تەنیا حەوت دانەیان شوێنی یاریکردنی منداڵانیان تێدایە، ئەوانیش بەشێکیان شکێندراون و لەکار کەوتوون.

زانیاریی پەیامنێر: لەناو پارکەکان کۆمەڵێک لە دایکان و باوکان داوایان لە پەیامنێری ئاڤا کردووە، وێنەی ئەو یارییانە بڵاوبکەنەوە، بەڵکو چاکیان بکەنەوە.

لێدوانی فەرمی: ئەندازیار کاروان ساڵح، بەڕێوەبەری ئەندازەی پارکەکانی دهۆک دەڵێت: بەم نزیکانە ئەو یارییانە چاک دەکەینەوە، داواش لە خەڵک دەکەم تکایە یارییەکان بپارێزن، وەکو یاری ماڵی خۆتان تەماشایان بکەن.

- بەم نزیکانە دوو پارکی تازە بەناوەکانی سەرهەڵدان و ئالوکا لە دهۆک دەکەینەوە.