سەرۆک بارزانی پێکهێنانی کابینەی نوێی حکومەت لەگەڵ کۆنسوڵی فەرەنسا تاوتوێ دەکات

ئاڤا نیوز

 

سەرۆک بارزانی پێکهێنانی کابینەی دەیەمی حکومەتی هەرێمی کوردستان لەگەڵ کونسوڵی گشتیی فەرەنسا لە هەولێر، تاوتوێ دەکات.

 

چیرۆکی سەرەکی: ئەمڕۆ 17ـی ئایار، لە سەڵاحەددین، سەرۆک بارزانی، پێشوازی لە یان برێیم، کۆنسوڵی گشتیی فەرەنسا لە هەولێر کرد و دیدارێکیان ئەنجامدا.

 

ڕاگەیێنراوی فەرمی: بارەگەی بارزانی لەبارەی دیدارەکە، ڕاگەیێنراوێکی بڵاوکردووەتەوە و ئاماژەی بەوە کردووە، لەو دیدارەدا ڕۆشنایی خرایە سەر بارودۆخی سیاسیی عێراق و ناوچەکە و هەروەها پەیوەندییەکانی نێوان حکومەتی هەرێمی کوردستان و حکومەتی عێراقی فیدڕاڵ.

 

زانیاریی زیاتر: گفتوگۆ لەبارەی بارودۆخی ناوخۆی هەرێمی کوردستان و پڕۆسەی گفتوگۆی نێوان لایەنە سیاسیەکان بۆ پێکهێنانی کابینەی دەیەمی حکومەت کرا.

 

ئەوەش بزانە: هەر لەو دیدارەدا جەخت لە پەیوەندی و دۆستایەتیی مێژوویی نێوان هەردوو گەلی کوردستان و فەرەنسا کرایەوە.