پرۆژەی ڕووناکی بژمێرێکی ئەلیکترۆنی بەردەست دەخات بۆ زانینی بڕی کارەبای بەکارهاتوو

ئاڤا نیوز

لە پڕۆژەی ڕووناکی لەمەوبەدوا هەموو کەسێک بە ئاسانی و بێ زەحمەتی، دەتوانێت لەڕێگای بژمێرێکی ئەلیکترۆنییەوە لەهەر کاتێک بیەوێت بزانێت ئەو کارەبایەی بەکاری هێناوە، بڕی چەند پارەی بۆ دێتەوە.

وێنە گەورەکە: پڕۆژەی رووناکی، لەڕێگەی وێبسایتی تایبەت بە خۆی ئاسانکاری تەواو پێشکەش بە هاوبەشانی کارەبا دەکات لەڕێگەی بژمێرێکەوە بۆ زانینی بڕی بەکارهێنان و بڕی پارەی خەرجکراو.

شێوازی جێبەجێکردن:

٠ لەسەر مۆبایل لە گوگڵ یان لە شوێنی گەڕان بەدوای ماڵپەڕ، دوای گەڕان بەدوای وشەی RUNAKI،  لاپەڕەی بژمێرەکە دەبێتەوە.

٠ چوارگۆشەیەک دەبێتەوە دوو خانەی تێدایە، یەکێکیان بۆ  جۆری هاوبەشە، واتا هاوبەشی کارەبای ماڵان یان پیشەسازی گەورە و بچووک یان کشتوکاڵ و حکومی!

٠ هاوبەش هەر کامێک لەوانە بێت هەڵیدەبژێرێت. دواتر بڕی کیلۆواتی بەکارهاتوو دەنووسرێت.

٠ پاشان کلیک لەسەر ئاماژەی (پسوولەکەت بخەمڵێنە) دەکرێت و یەکسەر بڕی ئەو پارەیە دیاری دەکات کە بەکارهاتووە.

ئەوەی پێویستە بیزانیت: سیستمی کارەبای پڕۆژەی ڕووناکی بەسەر پێنج ئاستی بەکارهێنان دابەش دەبێت، ئەمە بە جۆرێکە چەند کەمتر کارەبات بەکارهێنابێت، هێندە پارەی کەمتر دەدەیت.

لەلایەکی دیکەوە: تیمی پڕۆژەی ڕووناکی بە ئاڤایان وت؛ بەم زووانە بژمێرێکی دیکەش بەردەست دەخەن، بژمێرەکە هەموو ئامێرە کارەباییەکانی تێدایە، لەگەڵ ئەوەی پێویستی بە چەند کیلۆواتە، هاوبەش لە بژمێرەکە ئامێرەکان و کاتژمێرەکانی بەکارهێنان هەڵدەبژێریت، بۆ ئەوەی بزانێت مانگانە چەند کارەبا بەکار دەهێنێت و جەند پارە لەسەر دەکەوێت.