سەرۆکی هەرێمی کوردستان بەشداری لە کۆڕبەندی گفتوگۆی تاران دەکات

ئاڤا نیوز

نێچیرڤان بارزانی گەیشتە تارانی پایتەختی ئێران، بڕیارە لەگەڵ بەرپرسانی باڵای ئەو وڵاتە لە نێویاندا مەسعود پزیشکیان، سەرۆککۆماری ئێران دیدار و گفتوگۆی هەبێت.

چیرۆکی سەرەکی: ئێوارەی ئەمڕۆ نێچیرڤان بارزانی، سەرۆکی هەرێمی کوردستان، گەیشتە تاران و لە فڕۆکەخانەی ئیمام خومەینی لەلایەن موسا عەلی زادە، بەرپرسی ئیدارەی عێراق لە وەزارەتی دەرەوە پێشوازی لێکراوە، بڕیارە سبەی یەکشەممە بەشداری لە کۆڕبەندی چوارەمی تاران بکات.

زانیاریی بەدەستهاتوو: بڕیارە سبەی سەرۆکی هەرێمی کوردستان لە مێزگردێکدا بەشدار بێت و تیشک دەخاتە سەر دیدگای هەرێمی کوردستان بۆ داهاتووی ناوچەکە و جه‌خت له‌ هاوبەشی لەسەر بنەمای ڕێز له‌يه‌كگرتن و بەرژەوەندیيە هاوبەشەکان، ده‌كاته‌وه‌.

ئەمەش بزانە: سەرۆکی هەرێمی کوردستان، بۆماوەی دوو ڕۆژ لە تاران دەمێنێتەوە و بڕیارە دیداری لەگەڵ مەسعود پزیشکیان، سەرۆککۆماری ئێران و عەباس عێراقچی، وەزیری دەرەوەی ئێران هەبێت.

ئەوەی پێویستە بیزانیت: لەکۆڕبەندی گفتوگۆی تاران، 53 وڵات میوانداری کراون باسی ئایندەی ڕۆژهەڵاتی ناوەڕاست دەکەن و  زیاتر لە 200 میوان لە ئاستی باڵا لە کۆڕبەندەکە بەشدار دەبن.