ئاسایش بکوژی کارمەندەکەی ماددە هۆشبەرەکان دەستگیر دەکات

ئاڤا نیوز

 

ئاسایشی هەولێر ڕایدەگەیێنێ، بکوژی ئەو کارمەندەی ماددە هۆشبەرەکانیان کە شەوی ڕابردوو بەهۆی دەمەقاڵێوە لە گەڕەکی ئازادیی هەولێر کوژرا، دەستگیر کرد.

 

چیرۆکی سەرەکی: کاتژمێر 09:46ـی شەوی شەممە، ڕێککەوتی 17ـی 5ـی 2025،  خولەک شەڕ لەنێوان دوو دراوسێ لە گەڕەکی ئازادیی هەولێر دروست بوو، بەوهۆیەوە کەسێک کوژرا و کەسێکی دیکەش بریندار بوو.

 

لێدوانی فەرمی: موقەدەم ئەردەڵان، وتەبێژی ئاسایشی هەولێر بە ئاڤا میدیای ڕاگەیاند: کوژراوەکە ناوی 'عەلی'یە و تەمەنی 23 ساڵە و کارمەندی بەڕێوەبەرایەتیی ماددە هۆشبەرەکانە لە بەڕێوەبەرایەتی گشتیی ئاسایش.

 

زانیاریی پەیامنێر: ڕزگار کۆچەر، پەیامنێری ئاڤا میدیا ڕایگەیاند: عەلی لەگەڵ هاوڕێیەکەی یاری کۆنکانیان لەسەر کۆتر کردووە، دواتر گرژی لەنێوانیان دروست بووە و شەڕەکە گەورە بووە، بۆیە بە دەمانچە عەلی کوژراوە.

 

موقەدەم ئەردەڵان وتیشی، باوکێک و سێ کوڕەکەی بە تۆمەتی تاوانەکە دەستگیر کراون، هاوکات یەکێک لە کوڕەکانی لە شەڕەکەدا بریندار بووە و ئێستا دۆخی تەندروستی جێگیرە.