بوونی پاڵاوگەیەکی نەوتیی عێراق لە سۆماڵ ئاشکرا دەبێت

ئاڤا نیوز

دوێنێ لە کۆبوونەوەی لووتکەی وڵاتانی عەرەبی لە بەغدا سەرۆکی سۆماڵ ئاشکرای کرد، عێراق پاڵاوگەیەکی نەوتی لە وڵاتەکەیدا هەیە و پێویستی بە نۆژەنکردنەوەیە.

وێنە گەورەکە: لەمیانەی وتارەکەیدا لە کۆبوونەوەی لووتکەی عەرەبی لە بەغدا، سەرۆکی سۆماڵ داوا لە بەرپرسانی عێراق دەکات کە پاڵاوگەکەیان لە سۆماڵ نۆژەن بکەنەوە، چونکە زۆر کۆن بووە و سۆماڵیش توانای دارایی نیە بۆئەوەی نۆژەنی بکاتەوە.

ئەوەی پێویستە بیزانیت: بەگوێرەی و وتارەکەی سەرۆکی سۆماڵ، پاڵاوگەکە لەسەردەمی ئەحمەد حەسەن بەکر، سەرۆکی ئەوکاتەی عێراق دروستکراوە.

لێدوانی فەرمی: نەبیل مەرسوومی، شارەزای ئابووریی دەڵێت، ئەم پاڵاوگەیە لە ساڵی 1974 حکومەتی ئەوکاتی عێراق بەهاوبەشی لەگەڵ حکومەتی سۆماڵ  درووستی کردووە کە ساڵانە توانای بەرهەمهێنانی 500 هەزار تۆن بەرهەمی هەبووە.

- ئەوکاتە حکومەتی عێراق پارەکەی داوە، ڕێککەوتنەکەش وا بووە، دوای سێ ساڵ سۆماڵ پارەیەکی ڕەمزی بدات بە عێراق.