سوودانی: هەڵمەتی لابردنی زێدەڕۆیی لە بەسرە ڕابگرن

ئاڤا نیوز

دوای ئەوەی هەڵمەتەکەی حکومەتی بەسرە بۆ لابردنی زێدەڕۆیی لەسەر زەوی فەرمانبەران، لە ئاستی سیاسیی و تۆڕە کۆمەڵایەتییەکان کاردانەوەی لێکەوتەوە و سەرۆکوەزیرانی عێراق، پارێزگاری بەسرەی ڕاسپارد هەڵمەتەکە ڕابگرێت تاوەکو دۆزینەوەی چارەسەرێکی گونجاو.

چیرۆکی سەرەکی: حکومەتی خۆجێی بەسرە لەدوێنێوە هەڵمەتێکی ڕووخانی دەیان خانووی زێدەڕۆیی هاووڵاتییانی لە قەزای زوبێری سەر بەپارێزگای بەسرە دەستپێکردووە، بێ ئەوەی هیچ پلانێکی پێشوەختەی بۆ دووبارە نیشتەجێبوونی ئەو خێزانانە دانابێت.

ڕاگەێێنراوی فەرمی: بەپێی بڕیاڕێک کە واژۆی بەڕێوەبەری نووسینگەی سەرۆکوەزیرانی عێراقی لەسەرە و لەبەرواری 19-5-2025 دەرچووە، محەممەد شیاع سوودانی، سەرۆکوەزیرانی عێراق پارێزگاری بەسرە ئەسعەد عێدان ڕادەسپێرێت دەستبەجێ هەڵمەتی ڕووخاندنی ئەو خانووە زێدەڕۆییانە ڕابگیرێت تاوەکو چارەسەرێکی گونجاوی بۆ دەدۆزرێتەوە.

باکگڕاوند: پێشتر پارێزگاری بەسرە لە ڕوونکردنەوەیەکدا دەڵێت، ئەو زەوییانە کە ژمارەیان زیاتر لە نۆ هەزار پارچە زەوییە لە نەوەدەکانی سەدەی ڕابردوو بەسەر فەرمانبەرانی دەوڵەتدا دابەشکراون، بەهۆی ئەوەش کە خزمەتگوزارییان بۆ نەچووە خەڵک نەچووەتەسەر زەوییەکانیان و ئاوەدانیان نەکردوونەتەوە.

ئەوەی ئێستا ڕوودەدات: لەو ماوەیەدا بەشێکی خەڵک چوون ئەو زەوییانەیان کردووە بە زەوی کشتووکاڵی و شوێنی بەخێوکردنی ئاژەڵ، ئێستا حکومەت دەیەوێت مافی خاوەن زەوییەکان بگەڕێنێتەوە.