فوئاد حوسێن گەیشتە قەتەر؛ بەشداری لە کۆربەندی دەوحە دەکات

ئاڤا نیوز

 

فوئاد حوسێن، جێگری سەرۆکوەزیران و وەزیری دەرەوەی عێراق، بە مەبەستی بەشداریكردن لە 23ـین خولی کۆربەندی دەوحە 2025، گەیشتە قەتەر.

 

چیرۆکی سەرەکی: ئەمڕۆ شەممە چالاکییەکانی کۆربەندەکە دەستپێدەکات و ئەمساڵ لەژێر دروشمی "چەسپاندنی دادپەروەری " لە بەڵێنەوە بۆ واقیعی بەرجەستە" بەڕێوەدەچێت و ماوەی دوو ڕۆژ (شەممە و یەکشەممە) دەخایەنێت. وەزیری دەرەوەی عێراق هاوشانی کۆمەڵێک لە سەرکردەکان و شارەزایانی جیهان لە دانیشتنەکاندا بەشدار دەبێت و گفتوگۆ لەسەر پرسە هەنووکەییەکان دەکەن.

 

ڕاگەیێنراوی فەرمی: بەگوێرەی ڕاگەیێنراوی نووسینگەی ڕاگەیاندنی وەزارەتی دەرەوە: فوئاد حوسێن زنجیرەیەک دیدار و کۆبوونەوەی دووقۆڵی لەگەڵ بەرپرسانی بەشداربوو ئەنجام دەدات.

بۆچی گرنگە: ئامانج لەو دیدارانە تاوتوێکردنی پەرەپێدانی هەماهەنگیی دوولایەنە، ئاڵوگۆڕی بیروڕا لەسەر پرسە هەرێمی و نێودەوڵەتییەکان و هەماهەنگیی هەڵوێستەکانە سەبارەت بە گۆڕانکارییەکانی ناوچەکە.