نێچیرڤان بارزانی: ڕێگە نادەین سنوورەکانمان ببنە هەڕەشە لەسەر ئاسایشی وڵاتانی دراوسێ

ئاڤا نیوز

لەمیانی سەردانەکەی بۆ تاران، سەرۆکی هەرێمی کوردستان لەگەڵ ئەمینداری ئەنجوومەنی باڵای ئاسایشی نەتەوەیی ئێران کۆبووەوە و جەختی لەوە کردەوە کە بە هیچ شێوەیەک ڕێگە نادەن خاک و سنوورەکانی هەرێمی کوردستان ببنە سەرچاوەی هەڕەشە لەسەر ئاسایشی وڵاتانی دراوسێ.

وێنە گەورەکە: ڕۆژی 18-5-2025، نێچیرڤان بارزانی، سەرۆکی هەرێمی کوردستان سەردانی بەغدای کرد، هەر لەوێشەوە سەردانی ئێرانی کرد و بەشداری لە کۆڕبەندی گفتوگۆی تاران کرد.

ڕاگەیێنراوی فەرمی: سەرۆکایەتی هەرێمی کوردستان ڕایگەیاند: نێچیرڤان بارزانی لەگەڵ عەلی ئەکبەر ئەحمەدیان، ئەمینداری ئەنجوومەنی باڵای ئاسایشی نەتەوەیی کۆماری ئیسلامی ئێران کۆبووەوە.

- لە کۆبوونەوەکەدا پەیوەندییەکانی نێوان هەرێمی کوردستان و عێراق لەگەڵ کۆماری ئیسلامی ئێران، هەروەها هەماهەنگی و هاوکاریی هاوبەش بەتایبەت لە بواری پاراستنی ئاسایش و سەقامگیری تاووتوێ کران.

- نێچیرڤان بارزانی جەختی لەوە کردەوە، بە هیچ شێوەیەک ڕێگە نادەن خاک و سنوورەکانی هەرێمی کوردستان ببنە سەرچاوەی هەڕەشە لەسەر ئاسایشی وڵاتانی دراوسێ.