سوودانی هاوپەیمانیێتیەک بۆ هەڵبژاردنی ئەنجوومەنی نوێنەرانی عێراق ڕادەگەیێنێت

ئاڤا نیوز

 

سەرۆکوەزیرانی عێراق ڕایدەگەیێنێت، بەشداری لە هاوپەیمانێتییەکی فراوانی هەڵبژاردن دەکات بە ناوی "هاوپەیمانێتی ئاوەدانکردنەوە و گەشەپێدان"، کە لەگەڵ "ڕەوتی فوارەتەین" کە خۆی سەرکردایەتی دەکات، چەندین بلۆکی سیاسی دیکەش لەخۆ دەگرێت، لەوانە ئەیاد عەلای و فالح فەیاز.

 

وێنە گەورەکە: بڕیارە لە ڕێککەوتی 11-11-2025، هەڵبژاردنی خولی شەشەمی پەرلەمانی عێراق بەڕێوەبچێت، تاوەکو ئێستاش ژمارەیەک هاوپەیمانیێتی نوێ پێکهێنراون، هاوپەیمانێتیی ئاوەدانکردنەوە و گەشەپێدانیش، تازەترین هاوپەیمانیێتییە کە پێکدەهێنرێت.

 

ڕاگەیێنراوی فەرمی: بەگوێرەی ڕاگەیێنراوی نووسینگەی محەممەد شیاع سودانی، "کۆمەڵێک لە هێز و ڕەوتە نیشتمانییە عێراقییەکان شانازی بەوە دەکەن دامەزراندنی (هاوپەیمانێتیی ئاوەدانکردنەوە و گەشەپێدان) بە گشت خەڵکی عێراق ڕابگەیەنن، بۆ بەشداریکردن لە هەڵبژاردنی داهاتوو.

 

ئەوەی پێویستە بیزانیت: هاوپەیمانێتییەکە لەگەڵ هەر یەک لە هێزە سیاسی و نیشتمانییەکانی: ڕەوتی فوارەتین، بە سەرۆکایەتیی محەممەد شیاع سوودانی، هاوپەیمانی پەیمانی نیشتمانی، بە سەرۆکایەتیی فالح فەیاز، هاوپەیمانی نیشتمانی، بە سەرۆکایەتیی ئەیاد عەلاوی، هاوپەیمانیی داهێنانی کەربەلا، بە سەرۆکایەتیی نسیف خیتابی، پارێزگاری کەربەلا، کۆمەڵەی وڵاتی سۆمەر، بەسەرۆکایەتیی ئەحمەد ئەسەدی، وەزیری کار و کاروباری کۆمەڵایەتی، کۆمەڵەی نەوەکان، بە سەرۆکایەتیی محەممەد سەهیوود، هاوپەیمانی چارەسەرە نیشتمانییەکان".