بۆمبێکی داعش بە تیمێکی سوپای عێراقدا تەقییەوە

ئاڤا نیوز

لە سنووری پارێزگای  کەرکووک بۆمبێکی چێنراوی سەردەمی داعش بە تیمێکی سوپای عێراقدا تەقییەوە و بەهۆیەوە دوو  کەس بریندار بوون.

چیرۆکی سەرەکی: ئەمڕۆ یەکشەممە لە کاتی پاککردنەوەی سنووری ناحیەی ڕەشاد لە پاشماوەی تەقەمەنییەکانی داعش، بۆمبێک بە تیمێکی ئەندازەیی هەڵگرتنەوەی مین لە فیرقەی 11ی لیوای 45ـی سوپای عێراقدا تەقییەوە.

لە پەیامنێرەوە: ڕۆکان جاف، پەیامنێری ئاڤا نیوز لە کەرکووک گوتی، "ڕووداوەکە لە گوندی سەلمان لە سنووری ناحیەی ڕەشاد بووە، بەهۆیەوە دوو سەرباز بریندار بوون و ڕەوانەی نەخۆشخانەی حەویجە کراون."

ئەمەش بزانە: ناحیەی ڕەشاد بەدووری 45 کیلۆمەتر دەکەوێتە باشووری ڕۆژئاوای کەرکووک، دوای نەمانی داعش فیرقەی پێنجی پۆلیسی فیدراڵی لەم شوێنە جێگیرکراوە.