بڕیاری بە ناحیەبوون بۆ گوندێکی سنووری قەزای تەق تەق دەردەچێت

ئاڤا نیوز

فەرمانێکی هەرێمی بۆ بە ناحیەبوونی گوندێکی سنووری قەزای تەق تەق دەردەچێت و سەرۆکی هەرێمی کوردستان واژۆی لەسەر دەکات. 

 

وێنە گەورەکە: تەق تەق قەزایەکی سەربە پارێزگای هەولێرە و هەڵکەوتەی جوگرافییەکەی کەوتووە سەر زێی بچووک، لە 20-3-2024 لەلایەن سەرۆکایەتی هەرێمی کوردستان فەرمانی بە قەزابوون بۆ دەرچوو، هاوکات 22 گوند لەخۆ دەگرێت.

 

ڕاگەیێنراوی فەرمی: ئەمڕۆ پێنجشەممە سەرۆکایەتیی هەرێمی کوردستان ڕایگەیاند: نێچیرڤان بارزانی، سەرۆکی هەرێمی کوردستان، فەرمانی هەرێمی بۆ هێنانەکایەی ناحییەی ئیلینجاخ، وەک ناحیەیەکی نوێی سەربە قەزای تەق تەق لەسنووری پارێزگای هەولێر واژۆ کرد. 

 

ئەوەی پێویستە بیزانیت: ئەم بڕیارە خزمەت بە گوندەکانی ناوچەکەش دەگەیەنێت، توانای پێشکەشکردنی خزمەتگوزارییە گشتییەکان بۆ دانیشتووانی ناوچەکە ئاسانتر دەکات.