باران و بەفر هەرێمی کوردستان دەگرێتەوە

ئاڤا نیوز

کەشناسیی هەرێمی کوردستان پێشبینی دەکات ئەمڕۆ باران لە زۆربەی ناوچەکان ببارێت و لە هەندێک شوێنیش بەفربارین هەبێت، هاوکات پلەکانی گەرما 3 تاوەکو 6 پلە دادەبەزن.

ڕاگەیێنراوی فەرمی: بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان ڕایگەیاند: ئەمڕۆ شەممە 7-2-2026، ئاسمان هەوری باراناوی دەبێت و لە زۆربەی ناوچەکان نمەباران و بارانی مامناوەند دەبارێت. لە شەودا کاریگەریی باران زیاتر دەبێت و لە هەندێ شوێن دەبێتە لێزمەباران؛ هەروەها لە ناوچە سنوورییەکان بەفربارینێکی کەم دەبێت.

زانیاریی زیاتر: بە گوێرەی پێشبینییەکانی کەشناسیی هەرێمی کوردستان، ئەمڕۆ لە زۆربەی ناوچەکان باران دەبارێت، هەروەها لە هەندێک ناوچەش بەفربارین دەبێت. سەبارەت بە ڕۆژی یەکشەممەش بارانبارین بەردەوام دەبێت، بەڵام کاریگەرییەکەی کەمتر دەبێت.

ئەمەش بزانە: بۆ ئەمڕۆ شەممە 7-2-2026، ئاسمان بە گشتی هەوری باراناوی دەبێت. خێرایی با لە نێوان 10 بۆ 20 کیلۆمەتر دەبێت لە کاتژمێرێکدا و ئاراستەکەی باشووری خۆرهەڵات دەبێت.

٠ پلەکانی گەرما بەراورد بە دوێنێ 3 تاوەکو 6 پلە دادەبەزن. بۆ سبەی یەکشەممە 8-2-2026، ئاسمان هەوری تەواو دەبێت و لە کاتەکانی بەیانیدا بارانی مامناوەند دەبارێت، بەڵام لە دوانیوەڕۆدا کاریگەرییەکەی لاواز دەبێت و تەنیا نمەبارانی پچڕپچڕ لە ڕۆژهەڵاتی هەرێم بەردەوام دەبێت. پلەکانی گەرما سبەی 2 تاوەکو 4 پلە بەرز دەبنەوە.

بەرزترین پلەکانی گەرمای ئەمڕۆ شەممە 7-2-2026:

هەولێر: 12، پیرمام: 6، سۆران: 6، حاجی ئۆمەران: 2، سلێمانی: 8، چەمچەماڵ: 9، هەڵەبجە: 9، دهۆک: 9، زاخۆ: 9، ئاکرێ: 8.

بەرزترین پلەکانی گەرمای سبەی یەکشەممە 8-2-2026:

هەولێر: 14، پیرمام: 9، سۆران: 8، حاجی ئۆمەران: 4، سلێمانی: 10، چەمچەماڵ: 12، هەڵەبجە: 12، دهۆک: 13، زاخۆ: 13، ئاکرێ: 11.