مەسرور بارزانی: ئێمە دەمانەوێت نەوت و غازی زیاتر بەرهەم بهێنین

ئاڤا نیوز

 

سەرۆکوەزیران مەسرور بارزانی ڕایگەیاند، بڕیارمان داوە پەرە بە کەرتی وزەی کوردستان بدەین، گرێبەستەکانی ئەم دواییەشمان لەوبوارەدا لە بەرژەوەندیی هەموو خەڵکی عێراقە.

 

چیرۆکی سەرەکی: ئێوارەی ڕۆژی پێنجشەممە لەدوای کۆبوونەوەی لەگەڵ وەزیری وزەی ئەمریکا، سەرۆکوەزیران مەسرور بارزانی لە پانێڵێکی تایبەتەدا تیشکی خستەسەر چەند بابەتێکی گرنگ و پەیوەست بە دۆخی وزە لە هەرێمی کوردستان.

 

لێدوانی فەرمی: سەرۆکوەزیران مەسرور بارزانی، لە واشنتن ڕایگەیاند، كەمیی سەرچاوەكانی وزە یەكێك بووە لە گرفتەكانمان بۆیە دەمانەوێت نەوت و غازی زیاتر بەرهەم بهێنین.

 

- سەبارەت بەو گرێبەستانەی کە لە چەند ڕۆژی ڕابردوودا بۆ پەرەپێدانی کێڵگەی نەوت و غاز لە واشنتن واژۆیان کرد، سەرۆکوەزیران مەسرور بارزانی باسی لەوە کرد،  گرێبەستەكان خزمەتی هەرێمی كوردستان و عێراقیش دەكات، پێموایە دەبوو بەغدا چاوەڕێ بووایە بزانن مەبەست لە گرێبەستەكان چییە.

 

- کارکردنی کۆمپانیا ئەمریکییەکان لە هەرێمی کوردستان تەواو یاساییە، هەربۆیە دەمانەوێت عێراق ڕێز لە دەستوور بگرێت، چونکە دەزانین کەموکوڕی لە پەیڕەوکردنی دەستووردا هەیە، ئەو گرێبەستانەی کە لە واشنتنیش کراون خزمەتی كوردستان و عێراقیش دەکەن.

 

- پاڵپشتییەکانی ئەمریکا بۆ کوردستان واتایەکی گەورەی هەیە و شانازیی بە هاوشیەکانمان لەگەڵ ئەو وڵاتە دەکەین. هەر بۆیە ئێمە هاوپەیمانێکی جێی متمانەی ئەمریکایین.