مەسرور بارزانی: هەموو کەسێک شایەنی ئەوەیە ببێتە خاوەنی کارەبای 24 کاتژمێری

ئاڤا نیوز

 

سەرۆکوەزیران مەسرور بارزانی لە واشنتنەوە ڕایگەیاند،  تا کۆتایی ساڵی داهاتوو هەموو کوردستان دەبێتە خاوەنی کارەبای 24 کاتژمێری.

 

چیرۆکی سەرەکی: لەدوای کۆبوونەوەی نێوان سەرۆکوەزیران مەسرور بارزانی و کریستۆفەر ڕایت، وەزیری وزەی ئەمریکا، سەرۆکوەزیران مەسرور بارزانی لە پانێڵێکدا چەند پرسێکی گرنگی باس کرد. 

 

لێدوانی فەرمی: سەرۆکوەزیران مەسرور بارزانی، لەچوارچێوەی کۆنفراسی وزە لە واشنتن لە پانێڵێکی تایبەتدا ڕایگەیاند، : لەڕێگەی پرۆژەی ڕووناکییەوە کارەبای 24 کاتژمێری بۆ هەموو کوردستان دابین دەکەین، تا کۆتایی ساڵی داهاتوو هەموو کوردستان دەبێتە خاوەنی کارەبای 24 کاتژمێری.

 

- سەرۆکوەزیران هەر لەمیانەی قسەکانیدا باسی لەوەشکرد، کارەبای 24 کاتژمێری لەسەر هاووڵاتیانی کوردستان نرخێکی گونجاوی دەبێت و پێویستە باشترین خزمەتگوزاریی بۆ هاووڵاتیانمان دابین بکەین.

- لە درێژەی قسەکانیدا مەسرور بارزانی باسی خاڵێکی گرنگی کرد ئەویش ئەوەبوو کە وتی، دەتوانین کارەبا بۆ عێراق و ناوچەکە دابین بکەین.