سەرۆک بارزانی و داودئۆغڵو باسی پرۆسەی ئاشتی لە تورکیا دەکەن

ئاڤا نیوز

 

سەرۆک مەسعود بارزانی، لە سەڵاحەددین پێشوازی لە ئەحمەد داودئۆغڵو، سەرۆکی پارتی داهاتووی تورکیا کرد و یەکێک لە تەوەرەکانی گفتوگۆی نێوانیان پرۆسەی ئاشتی لە تورکیا بووە.

 

ڕاگەیێنراوی فەرمی: بارەگای بارزانی ڕایگەیاند، سەرۆک بارزانی و داود ئۆغڵو گفتوگۆیان کردووە لەبارەی پرۆسەی ئاشتی و بە هەنگاوێکی گرنگ و مێژوویی وەسفکرا جەخت لەسەر پێویستیی پابەندبوونی هەموو لایەک کرایەوە بۆ بەئەنجام گەیشتنی ئەم پڕۆسەیە. 

- لە بەشێکی دیکەی ڕاگەیێنراوەکەی بارەگای بارزانی هاتووە، ئەحمەد داودئۆغلو سوپاسی سەرۆک بارزانی کردووە کە پاڵپشتی پڕۆسەی ئاشتی لە تورکیا بووە و ڕۆڵی بەرز نرخاندووە.

 

باکگراوند: ئەحمەد داودئۆغڵو، سەرۆکوەزیرانی پێشووی تورکیایە و ئێستا سەرکردایەتی پارتی داهاتووی تورکیا دەکات، ماوەی چەند ڕۆژێکە لە هەرێمی کوردستانە و ئەمڕۆ سەردانی سەرۆک بارزانی کردووە.