لە گوندێکی هەریر بەهۆی نەبوونی مامۆستا پێنج ساڵە قوتابخانەکەیان داخراوە

ئاڤا نیوز

دانیشتووانی گوندێکی سەر بە قەزای هەریر کە لەسەر ئەرکی خۆیان قوتابخانەیەکیان دروستکردووە، بەڵام ماوەی پێنج ساڵە بەهۆی نەبوونی مامۆستاوە داخراوە.

وێنە گەورەکە: گوندی فلوونی سەر بە قەزای هەریر کە 25 ماڵ لەخۆدەگرێت و 16 قوتابییان هەیە، دانیشتووانەکەی لەسەر ئەرکی خۆیان قوتابخانەیەکیان لە گوندەکە دروستکردووە، کەچی ماوەی پێنج ساڵە دایانخستووە، چونکە مامۆستایان بۆ نانێرن، بۆیە قوتابیانی گوندەکە ناچار بوون ڕۆژانە شەش کیلۆمەتر ببڕن و لەگوندێکی دیکە بخوێنن.

لێدوانی فەرمی: یەکێک لە قوتابییەکانی ئەو گوندە بە ئاڤای ڕاگەیاندووە، "هەتا دەگەینە قوتابخانە زۆرجار لەڕێگادا سەگی بێلانە پەلامارمان دەدات، بۆیە ناچارین هەتا ناو قوتابخانەکە ڕابکەین، بەمەش زۆر هیلاک دەبین".

لەلایەکی دیکەوە: ئەحمەد تەها، موختاری گوندەکەیە و دەڵێت، سەرەتای ئەمساڵ پەروەردەی شەقڵاوە وتی، "قوتابخانەکە نۆژەن بکەنەوە ئێمە هەوڵ دەدەین مامۆستاتان بۆ دابین بکەین،  بۆیە لەسەر ئەرکی خۆم پێنج ملیۆن دینارم خەرجکرد و قوتابخانەکەم نۆژەنکردەوە، کەچی پەروەردەی شەقڵاوە بەڵێنەکەی نەبردە سەر و مامۆستای بۆ نەناردین".

بەتەنیشت ئەم بابەتەوە: خدر حەمەد، بەڕێوەبەری پەروەردەی شەقڵاوە دەڵێت: لەسەرەتای ساڵی نوێوە نوسراوێکی دیکە بۆ وەزارەتی پەروەردە دەکەین و داوا دەکەین مامۆستایان بۆ دابین بکەین.

زانیاریی پەیامنێر: هیشام سەعید، پەیامنێری ئاڤا پەیوەندی بە دکتۆر ئالان حەمە سەعید، وەزیری پەروەردە دەکات، ئەویش وتوویەتی، با دانیشتووانی گوندی فلوون نوسراوێک لە بەڕێوەبەرایەتیی پەروەردەی شەقڵاوەوە بۆ وەزارەتی پەوەردە بکەن، "ئێمەش لە ساڵی ئایندە بۆیان چارەسەر دەکەین".