فایلی خەڵک؛ گەڕەکێکی بنەسڵاوە لە هەولێر 11 ڕۆژە ئاوی پاکیان بۆ نەچووە

ئاڤا نیوز

گەڕەکی چوار هەزاری لە بنەسڵاوە کە ژمارەیان  50 ماڵ دەبێت، ماوەی 11 ڕۆژە بێ ئاون و دانیشتوانەکەی دەڵێن، هەموو ساڵ لە هاوینان تووشی ئەم کێشەیە دەبن.

زانیاریی پەیامنێر: نەجات فارس، پەیامنێری ئاڤا بەدواداچوونی بۆ کێشەی گەڕەکی چوار هەزاری بنەسڵاوە لەهەولێر کردووە، دانیشتوانەکەی دەڵێن، ئەوە 11 ڕۆژە ئاویان بۆ بەرنەدراوەتەوە.

لێدوانی فەرمی: ڕابەر حوسێن؛ بەڕێوەبەری ئاوی هەولێر دەڵێت: بەزووترین کات سەردانی گەڕەکەکە دەکەن و کێشەکەیان بۆ چارەسەر دەکەن.

- بۆ چارەسەری ڕیشەیی کێشەی کەمئاوی لەهەولێر، "هەمووان چاوەڕێی پڕۆژە گەورەکەی پرۆژەی فریاگوزاری خێرای گەیاندنی ئاو بە دانیشتوانی هەولێر دەکەین"، هەتا سی ساڵی دیکە کێشەی کەمئاوی چارەسەر دەکات.