زیاتر لە 30 گەڕەكی هەولێر ئاوی پڕۆژەی فریاگوزاریی خێرایان پێدەگات

ئاڤا نیوز

بەڕێوەبەری گشتیی ئاوی هەرێمی كوردستان نوێترین زانیاری سەبارەت بە پڕۆژەی فریاگوزاریی خێرای گەیاندنی ئاو ئاشكرا دەكات و ئاڤا میدیاش ناوی ئەو گەڕەكانە بڵاو دەكاتەوە كە مانگی حەفتی ئەمساڵ ئاوی پڕۆژەكەیان پێدەگات.

وێنە گەورەکە: لە ماوەی ڕابردوو، بەهۆی دابەزینی ئاستی ئاوی ژێر زەوی لە هەولێر چەند گەڕەکێک دووچاری کەمئاوی هاتبوون و ئەم هاوینە ئاوی ئەو پڕۆژە ستراتیژییە دەگاتە گەڕەکەکان و تا 30 ساڵی دیکە کێشەی کەمئاوی چارەسەر دەبێت.

لێدوانی فەرمی: ئاری ئەحمەد، بەڕێوەبەری گشتیی ئاوی هەرێمی كوردستان بە ئاڤا میدیا ڕاگەیاند: كاركردن لە پڕۆژی فریاگوزاریی خێرای گەیاندنی ئاو، بەردەوامە و ئێستا 78%ی كۆی گشتیی پڕۆژەكە تەواو بووە، پڕۆژەكە لە دوو هێڵ پێكدێت و لە مانگی حەفتی ئەمساڵ هێڵێكیان تەواو دەبێت و ئاوی پڕۆژەكە دەگاتە دەیان گەڕەكی شاری هەولێر.

زانیاریی زیاتر: بەپێی گوتەی بەڕێوەبەری گشتیی ئاوی هەرێمی كوردستان لە مانگی حەفتی ئەمساڵ ئاو دەگاتە ئەو گەڕەكانەی کە دەكەونە نێوان گوندی ڕەشگین تاوەكو ڕێگای كۆیە، لە دەرەوەی شەقامی 120مەتریی هەولێر.

ئەوەی پێویستە بیزانیت: بەپێی زانیارییەكانی ئاڤا میدیا ئەو گەڕەکانەی مانگی حەفتی ئەمساڵ ئاوی پڕۆژەی فریاگوزاریی خێرایان دەگاتێ ئەمانەی خوارەوەن:

ڕەشگین

32ی پارک

توڕەق

شاری ئالان

شاری دیاری

باغومنارە

مامزاوە

قەتەوی

گەڕەکی ژیان

ڕۆشنبیری

نالی

فەرمانبەران

زەیتوون سیتی

دارەتوو

بنەسڵاوە

هیران سیتی

ئاڵتون سیتی

گەلاوێژ

سەرکەوتن

ئاوێنەی شار

بێرکۆتی نوێ

تەعجیلی نوێ

پێنج و حەفت و هەشتی حەسارۆک

هاوکاری

کەسنەزان

زیلان 

لاوان

ئایندەی دوو

ئەندازیاران

قەرەبوو

ئاشتی 

قەڵاتی نوێ