مانگی حەوت زیاتر لە 30 گەڕەكی هەولێر ئاوی پڕۆژەی فریاگوزاریی خێرایان پێدەگات

ئاڤا نیوز

بەڕێوەبەری گشتیی ئاوی هەرێمی كوردستان نوێترین زانیاری سەبارەت بە پڕۆژەی فریاگوزاریی خێرای گەیاندنی ئاو ئاشكرا دەكات و ئاڤا میدیاش ناوی ئەو گەڕەكانە بڵاو دەكاتەوە كە مانگی حەوتی ئەمساڵ ئاوی پڕۆژەكەیان پێدەگات.

وێنە گەورەکە: لە ماوەی ڕابردوو، بەهۆی دابەزینی ئاستی ئاوی ژێر زەوی لە هەولێر چەند گەڕەکێک دووچاری کەمئاوی هاتبوون و ئەم هاوینە ئاوی ئەو پڕۆژە ستراتیژییە دەگاتە گەڕەکەکان و تا 30 ساڵی دیکە کێشەی کەمئاوی چارەسەر دەبێت.

لێدوانی فەرمی: ئاری ئەحمەد، بەڕێوەبەری گشتیی ئاوی هەرێمی كوردستان بە ئاڤا میدیا ڕاگەیاند: كاركردن لە پڕۆژەی فریاگوزاریی خێرای گەیاندنی ئاو، بەردەوامە و ئێستا 78%ـی كۆی گشتیی پڕۆژەكە تەواو بووە، پڕۆژەكە لە دوو هێڵ پێكدێت و لە مانگی حەوتی ئەمساڵ هێڵێكیان تەواو دەبێت و ئاوی پڕۆژەكە دەگاتە دەیان گەڕەكی شاری هەولێر.

زانیاریی زیاتر: بەپێی گوتەی بەڕێوەبەری گشتیی ئاوی هەرێمی كوردستان لە مانگی حەوتی ئەمساڵ ئاو دەگاتە ئەو گەڕەكانەی دەكەونە نێوان گوندی ڕەشكین تاوەكو ڕێگای كۆیە، لە دەرەوەی شەقامی 120مەتریی هەولێر.

ئەوەی پێویستە بیزانیت: بەپێی زانیارییەكانی ئاڤا میدیا ئەو گەڕەکانەی مانگی حەوتی ئەمساڵ ئاوی پڕۆژەی فریاگوزاریی خێرایان پێ دەگات ئەمانەن:

ڕەشکین
32ـی پارک
توڕەق
شاری ئالان
شاری دیاری
باغومنارە
مامزاوە
قەتەوی
گەڕەکی ژیان
ڕۆشنبیری
نالی
فەرمانبەران
زەیتوون سیتی
دارەتوو
بنەسڵاوە
هیران سیتی
ئاڵتون سیتی
گەلاوێژ
سەرکەوتن
ئاوێنەی شار
بێرکۆتی نوێ
تەعجیلی نوێ
پێنج و حەفت و هەشتی حەسارۆک
هاوکاری
کەسنەزان
زیلان 
لاوان
ئایندەی دوو
ئەندازیاران
قەرەبوو
ئاشتی 
قەڵاتی نوێ