لە 10 ڕۆژی داهاتوو بەشێکی شەقامی هەولێر – خەبات دەکرێتەوە

ئاڤا نیوز

 

لە 10 ڕۆژی داهاتوودا سایدێکی ڕێگەی نێوان هەولێر – خەبات بەڕووی شۆفێراندا دەکرێتەوە. 

 

وێنە گەورەکە: جووتسایدی هەولێر- خەبات، ڕێگایەکی سەرەکیی نێوان هەولێر-خەبات و مووسڵە، هەروەها هاتووچۆیەکی زۆری بازرگانی لەسەرە، لە ڕابردوودا بەهۆی خراپی ڕێگاکەوە چەندین ڕووداوی نەخوازراو ڕوویانداوە. 

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤای ڕاگەیاند: نۆژەنکردنەوەی ڕێگاکە بەردەوامە، لە 10 ڕۆژی داهاتووشدا سایدێکی تەواو دەکرێت و بەڕووی شۆفێراندا دەکرێتەوە، هەروەها ڕاستەوخۆ دەست بە قۆناغی دووەمی نۆژەنکردنەوەی شەقامەکە دەکرێت.

 

ئەوەی پێویستە بیزانیت: ئەو سایدەی بەڕووی شۆفێراندا واڵا دەکرێت، سایدی خەبات بۆ هەولێرە، قۆناغی دووەمی کارکردنیش لە سایدی هەولێر بۆ خەبات دەستپێدەکات.