پارتی سۆسیال دیموکرات: کشانەوەی پارتی دەبێتە هۆی شکستی پرۆسەی هەڵبژاردن

ئاڤا نیوز

 

دوای ئەوەی پارتی دیموکراتی کوردستان هەڵبژاردنی پەرلەمانی کوردستانی بایکۆت کرد و هەڕەشەی کشانەوەشی لە پرۆسەی سیاسیی عێراق کرد، پارتی سۆسیال دیموکراتیش پێیوایە پرۆسەی هەڵبژاردن شکست دەهێنێت.

 

چی ڕوویدا؟ ئەمڕۆ دووشەممە مەکتەبی سیاسیی پارتی بۆ تاوتوێکردنی ڕەوشی سیاسیی عێراق و هەرێمی کوردستان بە سەرۆکایەتیی سەرۆک بارزانی کۆبووەوە و بڕیاری بايکۆتی هەڵبژاردنی پەرلەمانی کوردستانی دا.

 

لێدوانی فەرمی: "بایکۆتی هەر کام لە پارتی و یەكێتی لە هەڵبژاردن واتای شکستهێنانی پرۆسەکە، بەڵام پێمانوایە ئەمە گوشارێکە بۆ ئەوەی گفتوگۆ لەسەر گۆڕینی شێوازەکەی بکرێت". د. فەرهاد تۆفیق، گوتەبێژی پارتی سۆسیال دیموکرات وای بە ئاڤا نیوز گوت.

 

زانیاریی زیاتر: پارتی سۆسیال دیموکرات وەک سێیەم لایەنی سیاسی، هەڵوێستی لەسەر بڕیارەکەی پارتی دەربڕی.