کونسوڵخانەی ئەمریکا پرۆگرامی ئاڵوگۆڕی هەمفری ڕادەگەیێنێت

ئاڤا نیوز

 

کونسوڵخانەی ئەمریکا ڕایدەگەیێنێت، پێشکەشکردن بۆ پرۆگرامی(Hubert H. Humphrey) بۆ ساڵی 2026-2027 دەستیپێکردووە و ئەوانەی خوازیاری بەشدارین تا کۆتایی مانگی حەوت دەرفەت هەیە بۆ داواکاری پێشکەشکردن.

 

وێنە گەورەکە: پرۆگرامی هاوڕێیەتی هەمفری لەلایەن وەزارەتی دەرەوەی ئەمریکا پاڵپشتی دەکرێت و پرۆگرامەکە ماوەی 10 مانگە و ئاستی سەرکردایەتییکردنی تاک لە بوارە جیاوازەکان بەرز دەکاتەوە بۆ ئاستێکی نێودەوڵەتیی بە تایبەت بواری پەروەردە. لەماوەی ساڵانی ڕابردوودا دەیان کەس لە هەرێمی کوردستانەوە بەشدارییان کردبوو.

 

ڕاگەیێنراوی فەرمی: پەڕەی فەرمی کونسوڵخانەی ئەمریکا لە تۆڕی کۆمەڵایەتی فەیسبووک ئاگاداریی خوازیارانی بەشداریکردن دەکات، ئەوانەی خوازیاری پڕکردنەوەی فۆرمی ئەم پرۆگرامەن تا کاتژمێر 11:59 شەوی 28-7-2025 مۆڵەتە بۆ پڕکردنەوەی فۆڕمەکە. 

 

بۆچی گرنگە: بەگوێرەی ڕاگەیێنراوەکەی کونسوڵخانەی ئەمریکا، ئەم پرۆگرامە بۆ ئەوەیە ببێتە هۆی باشتکردنی توانستی سەرکردایەتیکردنی پسپۆڕانی نێودەوڵەتی کە هەماهەنگ دەبن بۆ ڕوبەڕووبوونەوەی ئاڵنگارییە خۆجێی و جیهانییەکان.

ئەوەی پێویستە بیزانیت: بەستەری تایبەت بە پرۆگرامی هەمفری لەڕێگەی ماڵپەڕێكەوە دەبێت. هاوکات بۆ پرسیارکردن دەتوانرێت لەڕێگەی ئەم بەستەرەوە بەشداربووان پرسیار بکەن: 

 

لێرەوە پەیام بنێرە