ئاژانسی نێودەوڵەتیی ئەتۆم: ئێران لە بەدەستهێنانی چەکی ئەتۆم نزیکبووەتەوە

ئاڤا نیوز

ئاژانسی نێودەوڵەتیی وزەی ئەتۆم لە ڕاپۆرتێکدا بۆ دەوڵەتانی ئەندام ڕایدەگەیێنێت، ئێران پیتاندنی یۆرانیۆمی بە ڕێژەی 60% تێپەڕاندووە و بە قۆناغێکی مەترسیدار ناوزەندی دەکات. دەشڵێت، ئێران لە بەدەستهێنانی چەکی ئەتۆم نزیکبووەتەوە.

وێنە گەورەکە: بەرنامە ئەتۆمییەکەی ئێران ئێستا بووە بە پرسی سەرەکی جیهان، گفتووگۆ و دانوستاندنەکانی نێوان تاران و واشنتن لەسەر بەرنامەی ئەتۆمی ئێران لە قۆناغێکی ئاڵۆزدایە و دوای پێنج کۆبوونەوە تاوەکو ئێستا نەگەشتوونەتە ئەنجامێکی ئەرێنی و یەکلاکەرەوە، ئێستا ئاژانسی نێودەوڵەتیی وزەی ئەتۆم هۆشدارییەکی مەترسیدار دەدات لە نزیکبوونەوەی ئێران لە بەدەستهێنانی چەکی ئەتۆم.

ڕاگەیێنراوی فەرمی: ئاژانسی نێودەوڵەتیی وزەی ئەتۆمی سەر بە نەتەوە یەکگرتووەکان لە ڕاپۆرتێکدا بۆ وڵاتانی ئەندام ڕایدەگەیێنێت، ئێران ئێستا زیاتر لە 60%ی یۆرانیۆمی پیتێنراوی هەیە و تەنیا لە 90%ی ئەو ڕێژەیە پێویستە بۆ بەدەستهێنانی چەکی ئەتۆم، ئاژانسەکە هۆشداری توند و مەترسیدار بە وڵاتانی ئەندام و جیهان دەدات و بە کۆگاکردنی ڕێژەی بەرزی یۆرانیۆم لەلایەن ئێرانەوە بە " مەترسی گەورە " ناوزەند دەکات.

ئەوەی پێویستە بیزانیت: ئێران بە شێوەیەکی فەرمی لە ساڵی 2002 دەستپێکردنی بەرنامەی ئاشتیخوازانەی ئەتۆمی ڕاگەیاند و ویستی وڵاتەکەی بۆ پێشخستنی پیشەسازی و زانست و ئابووری وڵات لەڕێگەی بەدەستهێنانی وزەی ئەتۆمەوە ئاشکرا کرد.