دەزگای خێرخوازیی بارزانی هاوکاری دەگەیێنێتە زیاتر لە 12 هەزار خێزانی ڕۆژئاوای کوردستان

ئاڤا نیوز

دەزگای خێرخوازیی بارزانی لەرێگەی 12 تیمی مەیدانییەوە، هاوکاریی گەیاندە زیاتر لە 12 هەزار خێزانی ئاوارە لە شار و شارۆچکە جیاوازەکانی ڕۆژئاوای کوردستان.

چیرۆکی سەرەکی: تیمەکانی دەزگای خێرخوازی بارزانی لە قامیشلۆ، دێرک، عاموودا، گرکێلەگێ و چەندین ناوچەی دیکە سەرقاڵی دابەشکردنی کۆمەکن؛ ئەو بۆکسانەی پێشکەشی ئاوارەکان دەکرێن، هەموو جۆرە خۆراکێکیان تێدایە و بۆ ماوەی 2 هەفتە بەشی پێداویستیی هەر خێزانێک دەکات.

ژمارەکان وا دەڵێن: بەگوێرەی دوایین داتا، دەزگای خێرخوازیی بارزانی، تاوەکو ئێستا 208 بارهەڵگری هاوکاری گەیێنراوەتە شارەکانی ڕۆژئاوای کوردستان، شەش هەزار و 609 خێزان لە هاوکارییە جۆراوجۆرەکان سوودمەند بوون.

٠ 198 هەزار و 657 هەزار لیتر سووتەمەنی لە 169 قوتابخانە و 9 مزگەوت بەسەر  پێنج هەزار و 969 خێزان داەبشکراوە.

٠ سێ هەزار و 160 کەس لە 41 قوتابخانە، لەلایەن تیمە تەندروستییەکانەوە چارەسەری تەندروستییان بۆ کراوە.

٠ 19 هەزار و 979 ژەم خواردنی گەرم لە 52 قوتابخانە و سێ مزگەوت دابەشکراون.

٠ جگە لەوەی 418 کەسی ڕۆژائاوای کوردستان هەلی کارییان بۆ ڕەخساوە و شانبەشانی تیمەکانی دەزگای خێرخوازیی بارزانی هاوکارییەکان دابەش دەکەن.