30 دۆنم پووش و پاوان لەسنووری ناحییەی گاپیلۆن سووتا

ئاڤا نیوز

بەهۆی ئاگرکەوتنەوە لە سنووری ناحییەی گاپیلۆن زەرەر و زیانێکی زۆر بەر زەوی و لەوەڕگای خەڵکی ناوچەکە کەوتووە، بەو هۆیەوە 30 دۆنم پووش و پاوان لە سنوورەکە سووتا.

بڵاوکراوەی فەرمی: بەڕێوەبەرایەتیی پۆلیسی دارستان و ژینگەی پارێزگای سلێمانی ڕایگەیاند: ڕۆژی 2-6-2025، بەهۆکارێکی نادیار ئاگرێک لە گوندی کۆلەرد لە سنووری ناحیەی گاپیڵۆن کەوتەوە، دوای گەیشتنی تیمێکی پۆلیسی دارستان و ژینگەی گاپیلۆن بۆ شوێنی ڕووداوەکە توانییان ئاگرەکە کۆنترۆڵ بکەن.

بەهۆی ئاگرکەوتنەوەکەوە 30 دۆنم پوش و پاوان و 15 داری سرووشتی سووتان.

ئەوەی پێویستە بیزانیت: لێکۆڵینەوە و بەدواداچوون بۆ دۆزینەوەی هۆکاری ئاگرکەوتنەوەکە دەستیپێکردووە.