مەسرور بارزانی پیرۆزبایی لە سەرۆکی هەڵبژێردراوی کۆریای باشوور دەکات

ئاڤا نیوز

مەسرور بارزانی، سەرۆکوەزیرانی هەرێمی کوردستان لە پەیامێکدا پیرۆزبایی لە سەرۆکی هەڵبژێردراوی کۆریای باشوور دەکات.

وێنە گەورەکە: دوای کێبڕکێیەکی زۆر لەنێوان هێز و لایەنە جیاوازەکانی کۆریای باشوور، دواجار وڵاتەکە سەرۆکی نوێی هەڵبژارد و لی جای میونگ، کاندیدی پارتی دیموکراتی چەپ توانی زۆرترین دەنگ بەدەستبهێنێت و هەڵبژاردنەکە بباتەوە.

پەیامی فەرمی: مەسرور بارزانی، سەرۆکوەزیرانی هەرێمی کوردستان لە تۆڕی کۆمەڵایەتیی (X) پەیامێکی پیرۆزبایی ئاراستەی سەرۆکی هەڵبژێردراوی کۆریای باشوور کرد و ڕایگەیاند، "چاوەڕێی هاوبەشی نێوان حکومەتەکانمان و بە‌هێزکردنی دۆستایەتیی دێرێنی نێوان گەلەکانمانم".

ئەوەی پێویستە بیزانیت: لی جای میونگ بە بەدەستهێنانی 49.4%ی دەنگی دەنگدەرانی بەدەستهێنا و بە ڕێژەیەکی زۆر پێش "کیم مون سۆ" کەوت کە 41.2% دەنگەکانی بەدەستهێنابوو.