پارتی و گۆڕان لە هەولێر کۆبوونەوە

ئاڤا نیوز

دوای بڕیاری بایکۆتی هەڵبژاردنی خولی شەشەمی پەرلەمانی کوردستان، شاندێکی پارتی سەردانی بزووتنەوەی گۆڕانی کرد.

وێنە گەورەکە: دوای بڕیاری بایکۆتکردنی هەڵبژاردنی خولی شەشەمی پەرلەمانی کوردستان، بەمەبەستی ڕوونکردنەوەی بڕیارەکە پارتی دیموکراتی کوردستان دەستی بە سەردانکردنی لایەنەکان کردووە.

چیرۆکی سەرەکی: شاندێکی پارتی ئەمڕۆ سێشەممە دوای سەردانکردنی یەکگرتووی ئیسلامیی کوردستان، لە شاری هەولێر سەردانی بزووتنەوەی گۆڕانی کرد.

لە پەیامنێرەوە: شەوکەت قادر، پەیامنێری ئاڤا میدیا لە هەولێر گوتی، شاندی پارتی  پێکهاتووە لە پشتیوان سادق، مەحموود محەممەد، کەمال کەرکووکی ئەندامانی مەکتەبی سیاسیی و  جەعفەر ئیمینیکی ئەندامی کۆمیتەی ناوەندی، لەگەڵ سەفین مەلاقەرە، ئەندامی خانەی ڕاپەڕاندن، کاردۆ محەممەد، هێمن ئەسکەندەر و بەختیار عومەر ئەندامانی جڤاتی نیشتمانی لە کۆبوونەوە.

باکگراوند: دوێنێ دووشەممە وەک هەڵوێستێک بەرامبەر بڕیارەکانی دادگای فیدراڵی، پارتی  بەفەرمی هەڵبژاردنی خولی شەشەمی پەرلەمانی کوردستانی بایکۆت کرد و هەڕەشەی کشانەوەشی لە پرۆسەی سیاسیی عێراق کرد.