ئاژانسی ئەتۆم: ئێران چەکی ئەتۆمی نییە، بەڵام کەرەستەی پێویستی بۆ درووستکردنی هەیە

ئاڤا نیوز

ئاژانسی نێودەوڵەتیی وزەی ئەتۆم هۆشداری دەدات لەوەی ئێران توانای درووستکردنی چەکی ئەتۆمی هەیە.

لێدوانی فەرمی: ڕافائێڵ گرووسی، بەڕێوەبەری گشتیی ئاژانسی نێودەوڵەتیی وزەی ئەتۆم ڕایگەیاند، هەرچەندە ئێستا ئێران چەکی ئەتۆمی نییە، بەڵام کەرەستەی پێویستی بۆ دروستکرنی هەیە.

ڕافائێل گرووسی پێیوایە، "ئەگەر ئێران ببێتە خاوەن چەکی ئەتۆمی، ئەوا کاردانەوەی زنجیرەیی بە دوای خۆیدا دێنێت و وڵاتانی دیکەی ڕۆژهەڵاتی ناوەڕاستیش هەمان هەوڵ دەدەن".

کاریگەری و لێکەوتەکان: شکستی دانوستاندنە ئەتۆمییەکانی نێوان ئێران و ئەمریکا لەوانەیە ببێتە هۆی هێرشی سەربازی بۆ سەر ئێران، وەک ئەوەی ئەمریکا و ئیسرائیل پێشتریش ئاماژەیان پێکردووە.