ئێران: هەزاران بەڵگەنامەی نهێنیی بەرنامەی ئەتۆمیی ئیسرائیلمان دەست کەوتووە

ئاڤا نیوز

 

میدیا ئێرانییەکان بە پشتبەستن بە سەرچاوە ئاگادارەکان بڵاویانکردەوە، دەزگای هەواڵگریی وڵاتەکە، بڕێکی زۆر لە بەڵگەنامە و زانیاری لەسەر دامەزراوە ئەتۆمییەکانی ئیسرائیل دەستکەوتووە. ئێران بە "دەستکەوتێکی گەورەی هەواڵگری لە مێژووی وڵاتەکەی دژە بە ئیسرائیل دادەنێت.

 

ئەوەی لەوبارەیەوە دەگوترێت: میدیای ئێران دەڵێت، بۆ دەستگەیشتن بەو زانیارییانە، دەزگای هەواڵگری وڵاتەکەیان  ئۆپەراسیۆنێکی زۆر نهێنی و وردی لەنێو ئیسرائیل ئەنجامداوە، بەڵام پێویستی بە کاتێکی زۆر بوو تا زانیاری و بەڵگەنامەکان بە تەواویی بگوازرێنەوە بۆ نێو خاکی ئێران.

 

لەلایەکی دیکەوە: لە ڕاپۆرتەکانی میدیای ئێراندا هاتووە، دەستگیرکردنی 'ڕەوی مەزراحی' و 'ئەلموگ ئاتیاس' دوو گەنجی ئیسرائیلی کە مانگی ڕابردوو لەلایەن ئاژانسی ئاسایشی ناوخۆی ئیسرائیلەوە بە تۆمەتی سیخوڕیکردن بۆ ئێران دەستگیر کران، ئەگەر پەیوەندیی بەم دۆسییەوە هەبێت، ئەوا دوای دەرکردنی بەڵگەنامەکان لە ئیسرائیل، بووە.