ئاگرێکی گەورە لە سنووری ئیدارەی سۆران دەکەوێتەوە

ئاڤا نیوز

لە سنووری ئیدارەی سەربەخۆی سۆران ئاگرێکی گەورە کەوتووەتەوە، بەڕێوەبەرایەتیی بەرگریی شارستانیش دەڵێت '15 تیم سەرقاڵی کۆنترۆڵکردنی ئاگرەکەن'.

بڵاوکراوەی فەرمی: شەوی 9-6-2025، بەڕێوەبەرایەتیی بەرگریی شارستانیی ئیدارەی سۆران ڕایگەیاند: ئاگرێکی گەورە لە پووش و پەڵاشی ناحیەی بەرمیزەی سەر بە قەزای سیدەکان کەوتووەتەوە، بەهۆی ڕەشەبا و ناوچەی مین ڕێژکراو و ناوچەی هاوسنووری قەدەغەکراوەوە ڕووداوەکە گەورە بووە.

هەر بەگوێرەی بڵاوکراوەکەی بەرگریی شارستانیی سۆران، ئێستا 15 تیمی بەرگری شارستانی سەرقاڵی کۆنترۆڵکردنی ئاگرەکەن، بەڵام هێشتا کۆنترۆڵ نەکراوە.

زانیاریی زیاتر: تاوەکو ئێستا قەبارەی زەرەر و زیانەکانی ڕووداوەکە نەزانراوە.