ترەمپ ئامادەکاری بۆ لابردنی تەواوی سزاکانی سەر سووریا دەکات

ئاڤا نیوز

بڕیاروایە سەرۆکی ئەمریکا لەچوارچێوەی بەڵێنەکەی بۆ هەڵگرتنی تەواوی سزاکانی سەر سووریا، لە چەند ڕۆژی داهاتوودا بڕیارێکی نوێ واژۆ بکات.

وێنە گەورەکە: دوای کۆبوونەوەی دۆناڵد ترەمپ، سەرۆکی ئەمریکا و ئەحمەد شەرع، سەرۆککۆماری سووریا لە سعوودیە، لە 23-5-2025، وەزارەتی گەنجینەی ئەمریکا بە بڕیارێکی فەرمی بەشی یەکەمی سزا سەپێنراوەکانی سەر سووریای هەڵگرت، لەچوارچێوەی بەڵینەکەی سەرۆکی ئەمریکا بۆ سەرۆکی سووریا هەموو سزاکانی سەر ئەو وڵاتە لە ماوەیەکی نزیکدا هەڵدەگیرێت.

بڵاوکراوەی فەرمی: میدیاکانی ئەمریکا لە بەرپرسانی کۆشکی سپییەوە گواستوویانەتەوە کە دۆناڵد ترەمپ لە چەند ڕۆژی داهاتوودا واژۆ لەسەر بڕیارێکی پەیوەست بە هەڵگرتنی سزاکانی سەر سووریا دەکات، بڕیارەکە هەڵگرتنی هەموو سزا سەرەکییەکان لەخۆ دەگرێت و هەڵگرتنی گشتگیریی سزاکان دەبێت.

ئەوەی پێویستە بیزانیت: لە بەشی یەکەمی هەڵگرتنی سزاکانی سەر سووریا، سزاکانی پەیوەست بە بانکی ناوەندی سووریا، کۆمپانیای نەوتی میریی و هێڵی فڕۆکەوانی نیشتیمانیی سووریا هەڵگیرا.