حەماس کوژرانی سەربازێکی ئیسرائیل لە غەززە ڕادەگەیێنێت

ئاڤا نیوز

لیواکانی عیزەددین قەسام باڵی سەربازیی حەماس کوژرانی سەربازێکی ئیسرائیلیان لە باشووری کەرتی غەززە ڕاگەیاند.

ڕاگەیێنراوی فەرمی: لیواکانی عیزەددین قەسام لە ڕاگەیێنراوێکدا ئاماژەیان بەوە کردووە، چەکدارەکانیان لە ناوچەی سەناتی ڕۆژھەڵاتی شارۆچکەی عەبسان لە ڕۆژھەڵاتی شاری خان یونس باشووری کەرتی غەززە، تەقەیان لە سەربازانی ئیسرائیل کردووە، لە ئاکامی تەقەکردنەکەدا، سەربازێکی ئیسرائیل کوژراوە.

ئەوەی پێویستە بیزانیت: لە 7ی ئۆکتۆبەری ساڵی 2023، شەڕ لە کەرتی غەززە دەستی پێکردووە و بەهۆی ھێرشەکانی ئیسرائیل بۆ سەر کەرتی غەززە، تاوەکو ئێستا 55 ھەزار و 104 کەس، کوژراون. ژمارەی بریندارانیش، گەیشتووەتە 127 ھەزار و 394 کەس.